محافظ الدقهلية: "مفيش حاجة اسمها غلاء أسعار.. وبياعة الجرجير بتغلي علشان الدولار"
معرض شباب الخريجين
افتتح وزير التموين، خالد حنفي، معرض شباب الخريجين بالمنصورة، والذي يضم نحو 50 باكية تم منحها مجانا للشباب لعرض منتجاتهم بمناسبة عيد الأضحى، وبداية العام الدراسي الجديد، من بينها السجاد والملابس والأحذية ومنتجات الألبان والمنتجات الغذائية ومستلزمات المدارس والزي المدرسي.
وقال المحافظ، لدينا الآن 187 منفذ بيع لمواجهة غلاء الأسعار، كما أن سعر كيلوجرام اللحوم بلغ 55 جنيها، والأرز 4.5 جنيه، ومفيش حاجة اسمها غلاء أسعار، وفيه ناس بتحاول اللعب بالنار، حتى بائعة الجرجير بتزود الأسعار علشان الدولار، والمغرضين والجشعين هم اللي بيقولوا ويعملوا كده لكن الدولة بتسعي لكسر هذا الجشع وتوفير السلع بسعر مناسب للمواطنين".
واستوقفت إحدى السيدات المستفيدة من قروض صندوق شباب الخرجين المحافظ، وقالت له "والله يا باشا إحنا نفسنا نعيش كويس زي الناس ونلاقي حاجة نشتغلها " فرد المحافظ : "الدولة كلها تحت أمركم لأنكم المستقبل، المهم إنكم تشتغلوا وتنتجوا ولو محتاجين قروض أخرى توسعوا شغلكم المحافظة ستقف بجواركم وتساعدكم في فتح أسواق ومنافذ للتوزيع".
ووجه المحافظ وكيل وزارة التموين بالتوسع في فتح المنافذ بحيث تكون في كل الأماكن للتيسير على المواطنين، وضرورة توسيع قاعدة استفادة الشباب من قروض جهاز تشغيل شباب الخريجين لإقامة المشروعات الصغيرة والمتناهية الصغر للحد من البطالة وتوفير الحياة الكريمة لهم.
وقال إن المحافظة بكامل أجهزتها تحرص على تقديم كل العون للشباب، مشيراً إلى أهمية التسويق الجيد للقروض عن طريق الندوات في الجامعات ومراكز الشباب وكافة المصالح الحكومية، وعلى أهمية حرص الشباب على الاستفادة العظمى من القروض وحسن توظيفها
ومن جانبها قالت زينب الإمشاطى، مدير عام جهاز تشغيل الخريجين، إن إجمالي المنصرف من الجهاز لتشغيل الشباب 51 مليون و163 ألف جنيه، واستفاد منها 8961 شابًا، كما تم صرف دفعة استثنائية عن شهر أغسطس الجاري بإجمالي مبلغ 790 ألف جنيه قروضا للشباب تم توزيعها على 7 وحدات محلية لـ74 شابًا من الجنسين.