السيسي: قابلت مجموعة من الطلاب ومحدش فيهم قاللي "تعالى سيلفي"
الرئيس عبدالفتاح السيسي
تحدث الرئيس عبدالفتاح السيسي، عن تجربة خاضها في إحدى المدارس بإحدى البلاد، قائلا: "الفصل مكانش فيه ولا باب ولا الجدار الرابع، كأنهم بيقولوا للطالب إحنا مش هنقفل الباب لأننا مش بنخبي حاجة، ولا هنعمل دوشة".
وأضاف السيسي، خلال فعاليات جلسة الحوار الشهري الأولى للشباب: "المدرسة عرفت إزاي تبني الشخصية، فوجئت ان الولاد الصغيرين عاملين علم مصر، وعارفين إني جاي، بس لما رحت محدش فيهم انتبهلي ولا كأني واقف، ومحدش قالي تعالى سيلفي، ولا حد بص عليا ولا شاورني، ومحدش عمل حاجة، أنا اندهشت أوي".
وتابع الرئيس: "إزاي البرنامج قدر يعمل فيهم كده، وعلموهم إنهم يحترموا بعضهم إزاي، عملوا في كل فصل وظائف بتتغير دوريا"، مضيفا: "حضرت توزيع وجبة غداء قائدها كل يوم بيختلف، وهناك مكانش في عنف، مفيش شدة بيعلموهالهم".
ويشارك في الجلسة عدد من الشباب ورؤساء الأحزاب وبرلمانيين، وعدد من المثقفين والشخصيات العامة. ويتضمن البرنامج عددا من الجلسات العامة، التي تتناول نتائج اجتماعات الحوار الوطني الخاص بقضايا التعليم، وسيتم في هذا الإطار مناقشات حرة مع الشباب، واستعراض لما تم تحقيقه من رؤى خلال الفترة الماضية.