شريف حسين شريف حسين الإنسان المعاصر
الجمعة 31-03-2017 | PM 01:58

شريف حسين، من مواليد القاهرة في 1996، وهو شاعر وقاص، يمارس العمل الصحفي بعدد من الصحف الكبرى، يدرس الإعلام ويكتب المقالات بعدد من المواقع المصرية والعربية، وصدرت له مجموعة قصصية بعنوان "برواز لصورة زفاف"، عن دار "المصري".

زي القضاء والقدر..

زي انتحار شرعي..

بيلهي نفسه في ايه؟..

في ١٠٠ سؤال فرعي..

بيسابق المترو..

وبيمشي على إيده..

وبيحكي عن نفسه..

أساطير ماتتصدقش..

بيجري خلف المستحيل..

علشان يلاقي مبرره.. لما مايتحققش..

زوّق كلامه كتير.. وبرضه ماتزوقش..

هربان من الأسئلة..

هربان من التفكير..

من وحدة أزلية..

بيبرر الوحدة بطريقة طفولية..

"أنا عندي ١٠٠ صاحب..

بس النهاردة مجوش"..

إزاي بتتحول.. كل الحاجات لفاشوش..

من جوه بيت ساكت..

من بره وش بشوش..

ودعوته مفيهاش.. حلم بحياة أحسن..

بيدعي بس لربنا.. يديله قوة الاحتمال..

يديله صبر على البلاء..

لكن مايرفعهوش..

ويقول في كل صلاة

يارب عايز قلب.. مايخافش مـ الزحمة

يارب نفسي في قلب.. يقدر على العشرة..

الليل طويل جدا..

فبياخد الأدوية.. وبيحفظ النشرة..

وبيحفظ الجرنان..

وبرضه يتشائم.. لو برجه قال فرحان..

بيحارب الوحدة ويعاني مـ السرحان..

وإن حب يوم واحدة..

ينفخها في الدخان..

يكره جمود قلبه.. فروحه بتنمّل..

والعمر بيعايره..

معرفش يتجمّل

يضحكله ويسايره..

والقلب يتحمل..

ويعد في خسايره..

أكتر ما بيكمّل..

قصائد متعلقة

تعليقات الفيس بوك

القصائد الأكثر مشاهدة

تــامر عابد

تــامر عابد

قطر شبين

نرمين يسري

نرمين يسري

الشهر الجاي

محمد البرغوثي

محمد البرغوثي

قصيدة منسية

محمد كمال البارودي

محمد كمال البارودي

رسـائل

عاجل