في أول تعليق على استقالته.. كامل أبوعلي: "وزير السياحة مش أب لينا"
يحيى راشد
قال كامل أبو علي، رجل الأعمال، تعليقا على استقالته من اﻷمانة الفنية للمجلس الأعلى للسياحة، التي شكلها مؤخرا يحيى راشد، وزير السياحة، إنه استقال "لأنه مفيش فايدة من اللي بيحصل".
وقال "أبو علي" في استقالته، التي قدمها لوزير السياحة، اليوم، إن الاستقالة جاءت لعدم وجود أجندة واضحة للاجتماعات وعدم وجود اجتماعات تحضيرية مع العاملين بالقطاع السياحي للوقوف على المشاكل الفعلية للقطاع.
وتابع، في تصريحات لـ"الوطن": "الوزير بيشتغل في جهة والمستثمرين في جهة تانية.. الوزير متخبط في قراراته من البداية، والقطاع في حالة مزرية، ومفيش فيه أب لينا، ومش عارفين نشتغل معاه خالص، والعملية في منتهى السوء بصورة لم تحدث في تاريخ السياحة في مصر، رغم كل الأزمات اللي فاتت".
واختتم قائلا: "الأزمة مش في روسيا ولا إنجلترا، المنظومة لازم نختار لها أب، يلم الناس كلها حواليه، أب لازم يشوف المشاكل فين ويحلها مش يحارب المستثمرين وكل الناس في القطاع".