شنطة سَفَر
الشَنْطة تلِم هدوم
والقلب يلِم الذكرى
واكْمنّى بطبعى كتوم
هفتحلِك حُضنى لبكرة
الجيب بيلم المادة
والحضن يلم الشوق
لو عايز تقطف وردة
هتنُط شوية لفوق
الكون بيلم آمالنا
وعنيكى تلم الكون
الدنيا بايدِك جَنّة
مرسومة بطعم ولون
السِكّة تلم خطاوى
والعين بتلم دموع
لو عايزة علاج بيداوى
ضُمّينى ضلوع في ضلوع
وداوينى عشان مهموم
أنا شكلى كمان متوتر
طيارتى خلاص هتقوم