بحلم إن يبقى عندي جناحات وابقى قادرة أطير.. ابص من فوق على البشر وبعدين اهرب منهم.. استخبى في جزيرة بعيد عنهم.. البشر أحوالهم مش عاجباني ومش عارفة اتعايش وسطهم.. فيهم اللى بيكدب وفيهم اللى بيحاكمك وفيهم اللى عايز يستغلك.. نفسى أفهم حكمة ربنا فى إنه خلقنا بشر مش ملائكة نسبح بحمده وخلاص؟ ليه خلقنا وسط بشر على قد ما يتعبونا الحق يتقال ساعات إحنا كمان بنتعبهم.. بقصد من غير قصد مش دي القضية.. النتيجة واحدة.. كله بيوجع كله.. وقليل اللى بيسعدوك.