يسرا للسيسي: كل امرأة مصرية تفتخر بك
يسرا
أكدت الفنانة يسرا أن هناك العديد من المشكلات التي تمر بها مصر والتي ستظل موجودة بقدر ما، موضحة أن "الخطر إنك متبقاش عارف إن اللي جنبك ممكن يكون عدوك، لازم نصبر لأن معندناش عصا سحرية عشان نحل المشاكل في يوم وليلة".
وأضافت، في فيديو بثته قناة "الحياة"، ضمن سلسلة رسائل يوجهها نجوم الفن والرياضة إلى الرئيس عبدالفتاح السيسي: "في المدى الطويل هتعرف إيه هو الإنجاز".
وتابعت: "لو هو معملش أي حاجة غير إنه أنقذنا من حكم الإخوان ده في حد ذاته عمل كبير جدا"، مشيدة بنظرة السيسي للفن "حاسس يعني إيه الفن وأهميته ورسالته".
وأكدت أنها تحترم نظرة "السيسي" للمرأة، كما أن كل امرأة مصرية تفتخر به.
وأردفت: "أهم حاجة إن وطنك يبقى بخير إن ولادك وإخواتك على الحدود يبقوا بخير، لازم تكمل مشوارك وإحنا عندنا شباب رائع وهيعمل مستقبل مختلف، إنت كشعب لازم تصمد وتصبر على الحالة اللي بنمر بيها".
واختتمت: "أنا بشكرك يا سيادة الريس أتمنالك التوفيق، عارفة إن الحمل تقيل عليك وإنت اللي شايل المسؤولية".