عمرو أديب: "إحنا آسفين يا عم صلاح.. إنت راجل عظيم ومحترم"
![صلاح الموجي](https://watanimg.elwatannews.com/image_archive/840x473/6133143911514697693.jpg)
صلاح الموجي
استنكر الإعلامي عمرو أديب الشائعات التي طالت "عم صلاح الموجي" الذي قام بالقبض على الإرهابي ولعب دورا بطوليا في حادث كنيسة حلوان، قائلًا: "مين من مصلحته إن الراجل ده يطلع أي كلام؟".
وأضاف خلال حلقة الأربعاء من برنامج "كل يوم" عبر فضائية "ON E" قائلًا: "نفسي حد يعمل تويتة يكتب فيها إحنا آسفين يا عم صلاح".
وتابع أديب: "أنت راجل عظيم ومحترم وعندك عيال وإحنا بهدلناك ومكناش كويسين معاك وإحنا آسفين جدًا وآسفين لكل صلاح وآسفين لعيلة الموجي كلها".
وأوضح: "البلد دي الغلبان والفقير فيها بيجوا عليها لكن بهوات كتير عملوا مصايب في البلد أكتر من عم صلاح ده لو عم صلاح عمل حاجة وحشة ومحدش جه عليهم".