طالب الهندسة يعطى درساً مجانياً للثانوية.. زكاة
عمر طاهر
حالة من الصدمة شعر بها عمر طاهر، الطالب فى كلية الهندسة، قسم الكهرباء، بمجرد سماعه للأسعار الذى حددها مدرسو الدروس الخصوصية هذا العام للمراجعات النهائية، خاصة مادة الفيزياء الذى تطوع بعمل مراجعات مجانية لها فى مختلف المحافظات.
«الفيزياء تبدأ من 250 -400 جنيه مين يقدر يدفع كل ده لمراجعة مادة واحدة؟» استفهام حير الشاب العشرينى، الذى يتواصل مع طلاب الثانوية العامة بشكل مستمر من خلال صفحة أطلق عليها «الثانوية الحلوة» يحاول من خلالها الرد على التساؤلات التى تخص مادة الفيزياء وتقديم النصائح للطلبة قبل الامتحانات»، الأهالى هى اللى موتّرة الطلاب من الثانوية العامة، لكن هى منهج عادى ودراسة عادية، محتاجة بس مذاكرة بشكل دورى، وأنا تعودت أننى أخصص جزءاً من وقتى للطلبة طول السنة أساعدهم فيه خاصة أن المنهج بتاعهم رجعت درسته تانى فى الكلية».
«عمر» شعر بالصدمة بمجرد سماعه لأسعار الدروس الخصوصية
بمجرد إعلان عمر عن مراجعاته لمادة الفيزياء، انهالت عليه عروض كثيرة من قبل طلاب ومدرسين فى المواد المختلفة وأصحاب القاعات، مطالبين بالمشاركة فى المراجعات «فوجئت بتفاعل الناس، مع العلم ده اللى المفروض يتعمل أن أى حد عنده علم لازم يشارك به على الأقل مع صحابه وجيرانه عشان ربنا يبارك له فيه وإحنا عندنا كليات كتيرة لو كل واحد فى كلية يخصص وقت لمساعدة الطلبة محدش هيحتاج لدروس خصوصية».
«عمر» بدأ إعطاء الدروس بعد انتهاء امتحاناته فى الكلية بأسبوع، وقال إنه سيستمر خلال أيام عيد الفطر، حتى يستطيع الوصول إلى أكبر عدد من الطلاب.