وزير المالية: لا أحد ينكر وجود الواسطة في مصر.. "بس خلوا عندكم أمل"
محمد معيط
قال الدكتور محمد معيط وزير المالية، إن كلمته التي ألقاها للشباب في إحدى الندوات بأن "ابن الخفير أصبح وزيرًا" لم تكن مرتَّبة ولكنه كانت وسط شباب لديهم مشروعات وبطبيعة الحال كانت تقف أمامهم عقبات وتحديات، وقال هذا التصريح خوفًا من أن يصابوا بالإحباط.
وأضاف "معيط"، خلال حواره في برنامج "كل يوم"، مع الإعلامي وائل الإبراشي، على قناة "أون إي": "الشباب دي كانت محتاجة حد يعطيها أمثلة على أرض الواقع، الناس دائما كانت بتردد مفيش حد بيوصل للمناصب إلا بالواسطة، عايز أقولهم إن اللي في المناصب دلوقتي زيهم زيك، قابلتهم تحديات وصعوبات وتغلبوا عليها واعتمدوا على الله، كل ما يقعوا يقفوا تاني".
وتابع: "مش عايزين حد يحبط الشباب ويقوله محدش بقي بيوصل إلا بالواسطة، أنا والدي كان خفير وأصبحت أستاذ جامعة ثم وزيرا في الحكومة المصرية، أيوة منقدرش ننكر وجود الواسطة، بس خليكوا ديما عندكم أمل".