بريد الوطن| أنا وضميرى
أنا وضميرى
ليه مع نفسى دوام بَسْألها؟
ولا بترد علىَّ جواب
وازنق روحى معايا فتهرب
جوه ضلوعى وتقفل باب
لو هتسيبنى ف لحظة أتكهربْ
ولا تقطع حبل الأسباب
هو ضميرى الصاحى ما نامشى
اللى مدوَّخْ قلبى عذاب
واللى مبوَّخ بينى وبينه
عايز أتحرر م القبقاب
ماسكه ف إيده بيهددنى
يا امشى الدوغرى يا إمَّا حساب
مش بدايق إنُّه معايا
على باب قلبى هُوَ الْبوَّاب
لو يوم أسيبنى وأطنش نفسى
تبقى الدنيا يا روحى هباب
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com