عمرو سمير عن "black mirror 5" البريطاني: ليست ثورة تليفزيونية
عمرو سمير عاطف
أعرب المؤلف عمرو سمير عاطف، عن اندهاشه، من انبهار البعض بالجزء الخامس من مسلسل "black mirror 5"، الذي يُعرض عبر شبكة "نتفليكس"، قائلًا: "مش مبهرة للدرجة اللي ناس كتير اتكلموا عنها، يعني الإبهار ممكن يكون في التكنولوجيا وإنها حركة جديدة عشان بتتعمل في مسلسل من النوع ده لأول مرة".
وكتب "عمرو" عبر حسابه الشخصي على موقع التواصل الاجتماعي "فيسبوك": "موضوع التفاعل ده قديم جدًا من يمكن أكتر من عشرين سنة وأنا كتبت حاجات مالتي ميديا مبنية على اختيارات تفاعليه بنفس الطريقة وفيه مسلسلات أطفال قائمة على الموضوع ده من سنين"، متابعًا: "دي مش ثورة تليفزيونية لأن التطوير الحقيقي بيجي من المحتوى من الدراما الكتابة الحكاية مش من طريقة التنفيذ لوحدها مهما كانت مبهرة".
وأضاف: "الموضوع بالرغم من المجهود الخرافي اللي مبذول فيه، كان فيه غش ونوع من الإجبار على السير في مسارات معينة، يعني ماكنش اختيار من المشاهد قد ما هو اشتغال للمشاهد، ولما يختار اللي هما مش عاملين حسابهم عليه تلاقي نفسك دخلت في ديد اند ولازم ترجع تختار اللي هما عايزينه".
وتابع: "الأسلوب ده ها يفضل موجود طبعًا وممكن يتطور لكن مش هيبقى ده التليفزيون من هنا ورايح ولا حاجة"، مضيفًا: "تظل التجربة ذكية جدًا تسويقيا ودراميًا وتنفيذها تم على أعلى مستوى والمقارنة بينها وبين اللي بيتقدم هنا غريبة جدا لأن مفيش أي حد في العالم غير أمريكا ونت فليكس واللي زيها من شركات تليفزيون أمريكية عملاقة يقدر يعمل حاجه زي دي بالمستوى ده".
وكانت شبكة "نتفليكس"، قد بدأت عرض الجزء الخامس من المسلسل البريطاني black mirror، الأسبوع الماضي، يحمل اسم Bandersnatch، حيث يكون الجمهور أمام فرصة اختيار النهاية الذي يريدها، ويتحكم في مصير الأحداث والشخصيات.