"الرزق يحب الخفية".. طالب ومحامي يبيعان "أكل بارد" فوق "تروسيكل"
!["الرزق يحب الخفية".. طالب ومحامي يبيعان "أكل بارد" فوق "تروسيكل"](https://watanimg.elwatannews.com/image_archive/840x473/8088499361547758984.jpg)
"الرزق يحب الخفية".. طالب ومحامي يبيعان "أكل بارد" فوق "تروسيكل"
لم يجد المحامي صاحب الـ 32 عاما، وصديقه طالب الصف الرابع من كلية نظم المعلومات، طريقةً أخرى لافتتاح مشروع تجاري بتكاليف مالية تناسب إمكانياتهما البسيطة، إلا ذلك "التروسيكل" الذي قررا أن يكون "المطعم" الخاص بهما، يعدان فيه "الساندويتشات الباردة" ويبيعانها للمارة ورواد المقاهي "ع الرايق".
محمد العشماوي، طالب النظم والمعلومات، يشرح فكرة المشروع، أنه وصديقه بحثا عن طريقة سهلة وملفتة لمشروعهما "فكرنا في أسرع أكل ممكن يتعمل وفي نفس الوقت مش موجود في المنطقة، فجت في دماغنا قصة الساندويتشات الباردة اللي مبتاخدش وقت في تجهيزها ولا بتحتاج وسائل كتير لصناعتها".
المكان كان عقبة في طريق الصديقين، فإيجار "المحل" لافتتاح المشروع، أكبر من قدراتهما المالية "فكرنا في عجلة بس لاقيناها مش هتشيل حاجان كتير" ليتجه "محمد" وصديقه لتصنيع "تروسيكل"، لدى أحد الصنايعية في العتبة، وتجهيزه ليكون مطعمهما الخاص.
جهز الشابان مشروعهما وزوداه بتسعة أصناف من الأطعمة الباردة، التي لا تحتاج تجهيزًا مثل الجبن بأنواعه واللانشون والتونة والنوتيلا والمربى، ليتكلف المشروع بأكمله أقل من عشرة آلاف جنيهات ويختارا "ع الرايق" اسمًا له في إشارة لبساطة المشروع وتكلفته "وبدأنا نشتغل من كام يوم بس على القهاوي اللي في المنطقة".
"الساندويتشات رخيصة ونضيفة ومضمونة والزبون مش بيستنى كتير وخفيفة لمرضى القولون وممكن ياكلها وهو ماشي في الشارع" مميزات عددها "محمد" للساندويتشات، والتي جعلت الإقبال عليها جيدا في الأيام الأولى للمشروع، ليطمح الشابان في التوسع "ربنا يكرم والتروسيكل يبقى مشروع تروسيكلات أكل بارد في مناطق كتير".