أحمد الطيب عن هجوم مذيع الأهلي عليه: "بيعدِّل في التاريخ"
المعلق الرياضي أحمد الطيب
استنكر المعلق الرياضي أحمد الطيب، هجوم أحد المعلقين في قناة النادي الأهلي عليه، حيث قال: "تخيل خلوا شاب معلق في قناة النادي الأهلي على ماتش للأهلي الشباب، يسيء ليا، ويعدل في التاريخ، قال يعني أنا قولت إن حراس مصر في كأس العالم كانوا زملكاوية، وأنا مقولتش كده خالص".
وتابع الطيب، خلال مداخلة هاتفية مع خالد الغندور في برنامج "الزمالك اليوم" المذاع عبر فضائية "المحور"، قائلا: "هما مش لاقيين حاجة، وهل ده عشان أنا قلت اللي بنى مصر كان في الأصل زملكاوي، وممكن تكون زعلت حد، فمش لاقيين حاجة يترجموا فيها زعلهم".
واستنكر الطيب، وصف إبراهيم المنيسي له بـ"الجدع ده"، متابعًا: "عيب يقول عليا الجدع ده، وهو راجل إعلامي وصحفي، وعيب يقول الراجل ده أو الجدع ده، وفي ظل الأزمة دي كلها، المهندس عدلي القيعي لم يقل أي لفظ خارج أو خطأ، وكان قاعد يستمع فقط".
وتساءل الطيب: "كانوا فين كل دول لما مجلس إدارة الأهلي اتقال عليهم عصابة؟، والخطيب اتقال عليه بطل من ورق؟، كانوا فين كل دول وأنا اللي طلعت قولت مينفعش الكلام ده يتقال على الأهلي وجمهوره؟ وسمو الأمير محمود الخطيب إذا كان في السعودية سمو أمير".