قراء "الوطن" عن ضحايا سانت كاترين: الجنسية المصرية سبب الوفاة.. وآخرون: هذا عقاب الله
عقب هبوب عاصفة ثلجية بسانت كاترين والتهامها سبعة من الشباب المصرى، انهالت ردود الأفعال من قراء بوابة "الوطن" واتهموا الجهات المسؤولة بالتقصير.
وعلق البيومى: "نسينا حادث عبارة السلام وضحاياها وإزاى كان بطء رد الفعل لإنقاذ الغرقى بعد أن مضت عليهم أيام فى البحر بين الحياه والموت.. هو ده عهدنا بالإنقاذ المصرى "، فيما قال يوسف "هى دى مصر ومش هتتغير للأسف، كما أقر محمد، أن سبب الوفاة هو "إن الجنسية مصرية"، ووافقه حمادة، الرأي، قائلًا: "يا جماعة انتوا اللى غلطانين.. كان المفروض تقولوا لهم معاهم واحد أجنبى كانوا رجعوا فى ربع ساعة.
بلهجة يأس قال الريس، "بص حواليك هتلاقى الفشل فى كل حاجة حواليك، خصوصا دمنا إحنا اللى مالوش ثمن طول ما الواحد حاسس ومتأكد إنه رخيص فى البلد دى عمر حالها ما هينصلح وربنا يصبر أهالى المتوفين".
معلقًا على مهاجمة "هاجر"، إحدى الضحايا، قال أشرف: "حتى دى بتقولوا عليها إيه اللي وداها هناك، وهي اللى غلطانة حسبي الله ونعم الوكيل في اللي خلاكم كده انتم بقيتم عايشين على الدم.
ومن ناحية أخرى كتب عادل محرم: "مع مدى علمى بأن حكومتنا مقصرة فى كل شىء ولايهتموا بالمصري أبدا ولكنكم طالعين مع بعض بدون رقابة من أب أو أم وهذا عقاب الله الذى لم تخافوا منه ولاتلوموا إلا أنفسكم.. الجيش والشرطة فى حالة حرب ساعدوهم بدل زيادة الأحمال عليهم واتقوا الله".