بريد الوطن.. هديله بلوك
تيك توك
تيك توك تيك توك
مين بيخبط ع الفيس بوك
أنا مش فاتحة الفيس يا جماعة
علشان أدردش أو لوك لوك
أنا عايزة أعمل طفرة بحرفى
وأعمل للأفكار نيو لوك
عايزة حروفى تسابق الهوندا
مش تجرى بسرعة توك توك
وأطير فوق ويا بيتر بان
ومخفش من الكابتن هوك
فيا تسمعنى وتشجعنى
باللايكات والشير واللوك
أو أحسنلك تبعد عنى
قبل ما تاخد منى بلوك
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com