بريد الوطن.. عندى وعندك
عندى وعندك
ليالى الشتاء والبرد تعدى
وأنا حيران بين ضعفى وعندى
كل كلامنا آخر مرة
جوه دماغى يجيب ويودى
أول مرة خصامنا يطول
بنتنافس فى عناد وتحدى
ما حاولتش أعرف أخبارك
ما حاولتيش تتخلى وتهدى
إحنا الاتنين قسوتنا ملتنا
فى قلوبنا سكنت علتنا
بس لفين رايحين ولإمتى
أنا ضدك وتيارك ضدى
شايف الحب ما بينا بيبكى
ويقول طيب وانا إيه ذنبى
جوه قلوبنا الشوق متخبى
فينك لسه بيسأل قلبى
محمد عبدالعزيز ميجان
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com