بريد الوطن.. من غير عنوان
بريد الوطن
كل الوعود كانت كدبة
ياللى انت باقى على الوعود
اسحبهم لتكون هلفوت
ما بين بشر ملاعين
النهارده بيضحكوا ف وشك
وبكرة بيخططوا لك كَمين
الحياة
الحياة يا جميل
مش رقص ومغنى ومزيكا
الحياة أنتيكا متهالكة
والناس نيتهم مش سالكة
وبيقاتلوا بعض على مفيش
الناس مسطولة بحشيش
والبعض نازل تلطيش
ف كل كل الخلق الموجودة
الناس نيتها بقت سودة
وبيقاتلوا بعض ع القوت
فمصمم تبقى هلفوت
ف وسط العالم هتعانى
وإيه تانى من الوجع
وإيه تانى من العذاب
وفاء عطية الحجلة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com