منير: «إخواتي البنات قاعدين معايا ومليين عليا البيت وماقدرش أغضب ربنا»
محمد منير
أكد الفنان محمد منير، أن اثنين من شقيقاته، يُقمن معه منذ إجرائه العملية الجراحية، مؤكدًا أن كل الوسط الفني زاره مؤخرًا، مضيفًا خلال لقائه مع الفنانة إسعاد يونس في برنامج «صاحبة السعادة» المذاع عبر فضائية «dmc»: «خديجة أختي الراعية لمحمد منير، واللي من يوم ما دخلت أعمل عملية من 3 شهور مفارقتش بيتي ومالية البيت طهر ومحبة، ووجودهم معايا ليه معنى كبير، إن اتنين من إخواتك البنات موجودين معاك في البيت بيدي معنى احترام والجو الأسري، وكل فنانين مصر زاروني في الفترة الأخيرة بس روح إخواتي موجودة ومقدرش أعمل أي موبقات مقدرش أغضب ربنا مقدرش أعمل أي حاجة».
وطمأن منير جمهوره على صحته قائلًا: «بقول للشعب المصري كله أنا بصحة جيدة والحمد لله أنا بخير وكلي شفاء وسعادة وبتمنى لكل المرضى الشفاء العاجل وبتمنى ربنا يشيل الأزمة العالمية لكورونا».
ولفت الكنج، إلى أنه يتواصل مع أصدقائه الأجانب: «بعت إيميل لصديقي الألماني صديق عمري بيقولي يا منير إحنا ابتدت أسنانا تقع وإحنا قريبين من بعض بس مش عارفين نشوف بعضن يعني هو شعور إنساني عالي وأصحابي في اليابان وفيتنام وبيرو والأرجنتين بيكلموني».