«جميلة وشاطرة».. كيف تحدث محمود حجازي عن أسما منير قبل الطلاق؟
الفنان محمود حجازي
علاقة طيبة كانت تربط أسما شريف منير بزوجها الفنان محمود حجازي قبل انفصالهما رسميًا، وفي كل مناسبة أو لقاء تلفزيوني كان يتغزل حجازي في زوجته.
وفي إحدى اللقاءات تحدث محمود حجازي عن والد زوجته الفنان شريف منير في لقاء تلفزيوني له، قائلًا: «شريف منير راجل برنس قوي ولذيذ قوي»، مشيرًا إلى أنه يشجع زوجته دائمًا «بشجع أسما وفي كل حاجة ببقى معاها وأنا دايما ببقى صريح معاها وببقى خايف عليها وببقى مبسوط لكن ببقى على طول عايز اقولها الأحسن وبجد انا مبسوط بيها وفخور بيها».
وكشف محمود حجازي علاقته بابنة زوجته لارا محمود السكري ووالدها في أكثر من مناسبة قائلًا: «لارا دي بنتي ووالدها محترم جدا وبقا صاحبي ولو عنده مشكلة بيكلمني وانا لو فيه حاجة بتحصل معايا بكلمه وفيه علاقة لذيذة وفيه بنت بتكبر وسطنا في حياة صحية وربنا ادانا عقل وادانا قدرة إزاي نعالج كل التفاصيل من غير ما نأذي حد أو نضر حد».
وأوضح حجازي أنه يساعد زوجته في أعمال المنزل خاصة في فترة التوقف بسبب فيروس كورونا المستجد، «أنا في غسيل المواعين رهيب جدا وكنت بغسل لأسما المواعين وبحاول أبقى كيوت».
وأثنى محمود حجازي أكثر من مرة على إجادة زوجته لطهي الطعام، قائلًا: «أسما رهيبة في الأكل وشاطرة في الأكل وبحاول أركز اني أكل واطلع أحرق في الجيم».
وتحدث عنها في مرة أخرى قائلًا: «أسما ربنا يخليها ليا وهي ست جميلة جدا وانا بتبسط انها بتعمل حاجات بتعلم مع الناس ودايما ببقى خايف عليها أكتر وهي عندها طاقة رهيبة ولسه هتشوفوا حاجات كتير حلوة».