أسماء الطاهر: "الشباب خلوا طعم الذكرى مختلف.. روح بابا حوالينا صاحية"
أحيت أسماء يحيي الطاهر، ذكرى وفاة والدها القاص يحيى الطاهر عبدالله من خلال صفحتها على "فيس بوك"، قائلة "النهارده 9 أبريل 1981 توفي بابا يحيى الطاهر عبدالله في حادث وأنا كنت معاه، اليوم ده كان دايمًا يمثل ذكرى حزينة استعيد فيها صورة الحادثة وبابا الملقى على الرمل في طريق الواحات بينزف دم، السنين الأخيرة بدأت تحصل حاجة تغير إحساسى باليوم ده وتترجم جملة أحد الأصدقاء اللي كانوا معانا في الحادثة "ماتخافيش بابا هيرجع تاني".
وتابعت "أسماء" حديثها قائلة "بدأ الجيل الصغير اللي مش معاصر لبابا ولا من أبناء أصدقائه يستحضروا روح بابا، وكأن نداهة يحيى الطاهر ندهتهم، كل سنة في الوقت ده ألاقي شاب أو شابة من (دراويش) بابا إذا جاز التعبير أو معجبين بيه وحاسين إنه من المهم تقديمه للناس عشان يعرفوا قيمته. الشباب دول خلوا طعم الذكرى مختلف وأحس إن روح بابا بتحوم حوالينا صاحية وعفية".