المسيري: "لو السيسي طلب مني أتنازل عن جنسيتي الأمريكية هنفذ فورا"
قال الدكتور هاني المسيري محافظ الإسكندرية، في حوار له مع جريدة "الوطن"، نشر في عدد اليوم، إن الرئيس عبدالفتاح السيسي لم يطلب منه التنازل عن جنسيته الأمريكية، لكنه لم يسأل نفسه ماذا سيفعل إذا طلب منه الرئيس التنازل عن الجنسية.
وأكد المسيري، في تصريح خاص لـ"الوطن"، اليوم، أنه فكر ومستعد للتنازل عن الجنسية الأمريكية إذا طلب الرئيس.
وأضاف محافظ الإسكندرية، "أنا فكرت كتير في موضوع الجنسية الأمريكية، اللي أثار جدل واسع، وأنا قررت لو طلب مني الرئيس التنازل عنها هتنازل فورا، حتى لو مش هكمل محافظ يوم واحد".
وأوضح المسيري، "أنا بعتبر الجنسية الأمريكية بالنسبالي جواز سفر، لكن لو التنازل عنها وسيلة لإثبات الوطنية، أنا مستعد أتنازل فورا".
وقال: "لا أعتقد أن الرئيس سيطلب مني هذا الطلب، لكن أنا متأكد لو الرئيس طلب مش هتأخر، لأن جواز السفر الأمريكي أخدته لما شافوني مواطن صالح وكانوا عاوزني استنى هنا، لكن أنا رجعت مصر عشان بحب بلدي".
وأضاف "هنفذ طلب الرئيس لأني بثق فيه، ونزلت انتخبته في يوم من الأيام، لأني كنت واثق أنه قادر على قيادة الوطن، ولو الرئيس عمل إعلان طالب فيه كل احد معاه جنسية تانية بالتنازل عنها، هكون أولهم".
وقال المحافظ: "أنا قبل كدا أثبتت وطنيتي، لما سبت شغلي والفلوس والنجاح اللي كنت محققه في أمريكا، عشان ارجع اخدم بلدي، ومستعد اقدم تنازلات أكتر من كده، احنا غير الخونة اللي بيعملوا العكس، وبيتنازلوا عن جنسيتهم المصرية عشان الأمريكية".
وردا على سؤال عن حول رأيه فيمن يتنازلون عن جنسيتهم المصرية للخروج من السجون، قال: "خونه طبعا، لأن مصر دي بلدهم الأم، ولأنهم لو غلطوا عليهم يتحاسبوا فيهم، وأنا لو غلط عمري ما هتحامى في جنسية أجنبية".