مجسمات لـ«شكشك» و«عمو فؤاد» و«بكار».. يلا نرجع لمتنا
تحت شعار «يلا نرجع لمتنا» فى شهر رمضان، عاد عم «شكشك» وعمو «فؤاد» و«فطوطة»، و«بوجى» و«طمطم» و«بكار» و«المسحراتى»، من خلال صور مجسمة لهم فى مول «سان ستيفانو»، شرق الإسكندرية. فرحة كبيرة شعر بها الأطفال والكبار الذين حرصوا على التقاط الصور التذكارية إلى جوار الشخصيات الرمضانية الشهيرة، والتى ذكرتهم برمضان زمان وما كان يحويه من أعمال فنية لا تزال فى ذاكرة الأجيال القديمة.
وعلقت غادة الشيخ، ربه منزل، لـ«الوطن»، على وجود هذه المجسمات: «فرحتنا كبيرة كل ما نعدى ونلاقى بوجى وطمطم وعم شكشك وفطوطة، أيام ما كان فى رمضان حاجات حلوة وهادفة وليها معنى، والأطفال كلها تتجمع علشان تشاهد بكار وحكاياته، أما دلوقتى كل ده اختفى وبقى ذكرى، والمسلسلات هى اللى احتلت القنوات الفضائية وبقالنا سنين من غير ذكرى لشهر رمضان، وعايشين على الذكريات القديمة والحاجات الحلوة اللى كنا مستنينها من سنة للسنة».
وقالت جيلان محمد عبدالله، طالبة بكلية الآداب: «الصور فى المول عاملة فرحة غير عادية للشباب أكثر من الأطفال، لأنها بتفكرنا بأيام طفولتنا لما كنا حافظين الشخصيات الكرتونية، عم شكشك وحركاته وفطوطة وبكار ومعزته وبوجى وطمطم، أما دلوقتى الأطفال مش بيتفرجوا غير على المسلسلات، وبقى الكارتون ذكرى».