سائق ميكروباص يدعو للمشاركة بـ«خطابات السيسى»
سائق ميكروباص يدعو للمشاركة بـ«خطابات السيسى»
«أنيس» داخل الميكروباص
مبادرات عديدة خرجت لحث المواطنين على المشاركة فى الانتخابات البرلمانية بالمرحلة الأولى، من خلال حملات ميدانية فى الشوارع لنشر الوعى بأهمية المشاركة أو الترويج عبر وسائل الإعلام ومواقع التواصل الاجتماعى، لكن أنيس محمد، ابن القاهرة، أراد أن يكون له طريقة خاصة لحث ركابه على النزول فى المرحلة الثانية، فلم يجد سوى كلمات الرئيس عبدالفتاح السيسى التى تحث المواطنين فى خطاباته على التوجه للجان الاقتراع ليسجلها على أسطوانة لا تفارق «الميكروباص» الذى يعمل عليه.
يدوّر الموتور ويشغّل الكاسيت على «أسطوانة الرئيس».. و«أنيس»: «الإخوانى بانزله»
بمجرد أن يدير «أنيس» (32 عاماً) موتور سيارته الأجرة، يبدأ صوت «السيسى» فى مخاطبة الركاب، قائلاً: «أنتظر من شباب مصر أن يكون هو المحرك الأساسى لهذا العرس الديمقراطى، أدعو الشباب أن يكون فى طليعة يوم الاقتراع، فشبابنا بحماسه وأخلاقه قادر على أن يحسم الأمر لصالح الوطن.. تحيا مصر»، فى كل مرة يبدو «أنيس» منتشياً بصوت الرئيس الذى يرافقه فى كل رحلاته على خط «التحرير - الدقى»: «من وقت ما كان السيسى فريق، وأنا بأسجل خطاباته وعلى طول بأسمعها فى البيت، لكن المرة دى قررت أسجل كلامه بخصوص المشاركة فى انتخابات البرلمان بعد المشاركة الضعيفة فى المرحلة الأولى، وبأشغله فى الميكروباص طول الطريق، علشان الشباب اللى زيى يسمعوا كلامه ويشاركوا ونرفع راس بلدنا».
معظم ركاب «ميكروباص أنيس» من محبى الرئيس، بحسبه: «مفيش حد بيعترض على صوت الراجل، بالعكس الناس بتضحك وتفرح وفيه اللى بيفضل ساكت كأنه مش سامع»، حالات قليلة واجه فيها «أنيس» استياءً من بعض الركاب الذين طالبوه بإيقاف المسجل: «حصلت كام مرة بس، وساعتها وقفت العربية وقلت للزبون اتفضل انزل، وخد فلوسك، وبأبقى عارف إنه يا إما إخوان، يا إما من الفئة اللى بتعارض وهم مش فاهمين وخلاص.