مش شرط يبقى الماضي إيه
أنا عايزة حد اسند عليه
ويكون وطن ويكون دفا
ويكون طريق ..
ينفع يكون أقرب صديق
آخر أمل ..
آخر وسيلة للحياة من غير وجع
من غير ضياع
من غير دموع وقت الوداع
ويكون كيان
ويكونلي حُضن وبيت وإيد
ينفع يكون ابني الوحيد
ويكون مكان
دايما بروحه فـ وحدتي
ويكون طَموح ..
أنا نص قلب ونص عقل ونص روح
محتاجة حد أكمّله واكمل معاه ..
محتاجة حد يحلي فـ عنيا الحياة
محتاجو حد يكون "أنا"..
يقسم معايا الدندنة
يقسم معايا الصبح ..
والنوم والكسل ..
ميكونش نقطة ضعف
أو سم فـ عسل ..
يشاركني فـ دموع الفرح ..
ضحك العزا ..
والصمت والخوف والبكا
والاحتياج و النرفزة
محتاجة حد أن سبته أنا يقول مش هسيب !
مطلوب حبيب.. ميقومش بس بدور حبيب