نشطاء "تويتر" يشيدون بمبادرة "صبح على مصر بجنيه": "ربنا يحميك يا ريس"
السيسي
أشاد عدد من نشطاء موقعي التواصل الاجتماعي "فيس بوك" و"تويتر"، بمبادرة الرئيس عبدالفتاح السيسي، الذي أطلقها صباح اليوم خلال تدشين مبادرة رؤية مصر عام 2030 "صبح على مصر بجنيه"، حيث قال أحد النشطاء : "ربنا يحميك ياريس ويحافظ عليك ويقدرك على شعبك اللي مش عاجبه أي حاجه تحيا مصر ".
وقال أحد المعلقين على خطاب السيسي: "مش خسارة في بلدنا كل يوم جنيه أصل الخرفان ما يعرفوش يعني أيه بلد بس أحنا نفسنا يا ريس تقلل في نفقات الحكومة والحد الأقصى للمرتبات يطبق على الجميع".
وأضاف آخر: "نفس الناس اللي بتتهكم دلوقتي، هما اللي كانوا بيتريقوا ويتهكموا أن السيسي هيجمع 10 مليارات من الشعب، ومع ذلك جمع 64 مليار في أسبوع والبنوك كمان اللي قالت كفاية".
وقال آخر: "خلاصة القول الأيام بينا وهتشوفوا الناس هتدفع أد أيه، وخليكم أنتوا في خبيتكم، السيسي والمصريين يحبون بلدهم وجيش بلدهم وبيتمنوا كل البلاد العربية تكون مثلهم ويحافظوا على أوطانهم".