قضاء ساعات طويلة فى السفر، وتحمل مشقته مع آلام جلسات الكيماوى المرهقة، أمر دفع القائمين على جمعية خيرية فى محافظة دمياط لإقامة دار ضيافة مجانية لخدمة مرضى معهد الأورام بالمحافظة، لتساعد المرضى من المحافظات البعيدة فى إيجاد بيت يوفر عليهم عناء الانتقال يومياً، ويخفف عنهم الأعباء المادية.
"الشافعى": نوفر مرافقين للمرضى وطعاماً وعلاجاً طوال فترة الإقامة
وائل الشافعى، مسئول عن حالات الأورام بالجمعية، يروى أن الهدف الرئيسى من إقامة الدار هو راحة المرضى: «الناس بتيجى من محافظات بعيدة زى الدقهلية وبورسعيد، بياخدوا جلسات وبيكونوا فى أمَس الحاجة لوجود مكان يرتاحوا فيه، إحنا وفرنا لهم دار ضيافة مجاناً».
وحسب «الشافعى» فإن الدار توفر للمرضى وذويهم مسكناً وطعاماً: «إحنا موفرين شقتين، واحدة للرجال فيها 4 غرف وكل غرفة 3 سراير، وشقة تانية للسيدات بنفس المواصفات».
وتتيح الدار إمكانية انعزال المريض عن ذويه عقب جلسات اليود: «فيه ناس بتأخد جلسات اليود وبتقعد فى الغرفة مدة لا تقل عن 14 يوم، ما ينفعش إنهم يشوفوا أى حد، بنقدم لهم الأكل على باب الغرفة وبنتصل بيهم ياخدوه، وبنحاول نراعيهم علاجياً كمان».
توفر الدار 6 كراسى متحركة لخدمة المرضى من كبار السن: «الدار بتقبل المرضى من كل الأعمار، وبنقعد المرافقين فى الريسبشن مفيش أى مرافق بيدخل على المريض»، وتتراوح أعمار المرضى المترددين على الدار بين 30 و55 عاماً: «مش بناخد جنيه من أى مريض، وكمان بنرفض التبرعات، لكن فيه واحدة صممت واتبرعت بكرسى متحرك».
تعليقات الفيسبوك