أحمد والرجل المسن
وقف الشاب أحمد الشريف، أمس، على كوبري 15 مايو، وتحديدا فوق ساقية الصاوي بالزمالك، بعد الانتهاء من عمله وظل ينتظر أكثر من نصف ساعة لأي وسيلة مواصلات تنقله إلى منزله، ينظر في الساعة ثم يلقي نظرة مرة أخرى للطريق، فالوقت يمر واقترب ميعاد حظر التجوال في الساعة السابعة مساء الذي فرضته الدوله لتفادى فيروس كورونا، ولازال لم يجد ما يستقله، حتى جاءت الساعة السادسة والربع، ليفاجأ بموقف غريب.
فوجئ "أحمد" بسيارة ملاكي قديمة، ربما تكون موديل الثمانينات، يقودها رجل كبير السن، وقف للشاب العشريني يطلب منه الركوب سريعا معه لتوصيله إلى منزله: "مكنش فيه نهائي مواصلات عشان الوقت اتأخر وكله يادوب بيلحق يجري عشان وقت الحظر، لاقيت الراجل الجميل ده بيقولي اركب اركب بسرعة"، وفقا لقوله لـ "الوطن".
"شكرا يا حاج ربنا يخليك مش عايز اتعبك".. رد أحمد البالغ من العمر 27 عامًا على قائد السيارة الذي أصر على استقلاله لتوصيله إلى منزله: "ركبت معاه وقالي ها ساكن فين بقى يابني؟، قولتله فيصل، رد استعنا على الشقى بالله".
واستكمل الشاب العشريني الذي يعمل في مجال المكملات الغذائية حديثه: "قولتله لا يا حاج ربنا يخليك مافيش وقت تلحق، أنت نزلني بس آخر الكوبري وابقى شاكر لحضرتك جدا والله، رد عليا مفيش الكلام ده خلاص أنا هاوصلك لحد البيت يعني هاوصلك لحد البيت".
وبعد إصرار الرجل المسن على توصيل أحمد ورفضه النزول في مكان بعيد اكتشف منه أنه يفعل ذلك يوميا منذ بداية الحظر: "قالي يا ابني أنا بنزل كل يوم قبل الحظر بساعة أوصل أي حد في أي مكان أنا عارف الظروف والشباب اللي في سنك وبيشتغل وطالع عينه، ربنا يعينكم يا حبايبي يارب وماشوفش فيكم حاجه وحشه أبدا".
لم يتوقع أحمد طلب الرجل البسيط منه الذي اقتصر على الدعاء له: "أنا بس عايز منك طلب، تدعيلي ربنا يفك كربي يا ابني بس من قلبك".
وقرر الشاب العشريني، نشر ما حدث له مرفقا مع المنشور صورة يظهر فيها الرجل على حسابه الشخصي بموقع "فيسبوك"، من أجل أن يشاركه الناس الدعاء له: "للأسف نسيت آخد رقمه لأن ناس كتير سألتني عليه وبدور عليه عايزه تساعده، عشان كنت عمال ابص له على الموقف الجميل اللي عمله معايا ومكونتش مصدقه".
وحصل المنشور على أكثر من 11 ألف مشاركة، و37 ألف إعجاب في أقل من 24 ساعة.
تعليقات الفيسبوك