هواية غريبة ومثيرة للدهشة يمارسها «عمرو» منذ 3 سنوات، فهو عاشق لتربية الذئاب البرية، بل ويقضي معظم وقته وسطهم ويلعب ويأكل وينام وسطهم، دون حاجز أو الشعور بالخوف منهم، وعلى العكس فالحقيقة الصادمة كما يؤكد أن الذئاب كائنات تشعر بالخوف الشديد من الإنسان.
يحكي عمرو مدبولي، شاب مصري مقيم في بريطانيا، ويعمل مهندس طاقة، وهو من عشاق الذئاب البرية ويقوم بتربيتها داخل منزله، ويروي كواليس تعلقه بالذئاب: «أنا كنت بحب الكلاب وبربيها بس حسيت بملل لحد ما قررت أمارس هوايه جديدة وكانت تربية الذئاب وروحت خدت كورس واتعملت إزاي اتعامل معاهم وسلوكهم عامل إزاي وطريقة تفكيرهم عشان أقدر أربيها واتعامل معهم بحرص» وبحسب «عمرو» فالذئاب غير مؤذية، بل على العكس فهي تشعر بالخوف والقلق من أي اقتراب لها من الإنسان: «الذئاب خجولة جدا ولو أي انسان قرب لها بتخاف وتجري»، مبرر ذلك السلوك «الذئب بيخاف يدخل في مواجهة عشان ميتأذيش لأنه في حياة برية وممكن ميلاقيش إسعاف له».
ويقول «عمرو»: «عرفت واحد بعد فترة من حبي للذئاب واهتمامي بها كان عنده محمية لتربية الذئاب في بريطانيا وعملني أكتر عنها وبقيت بروح بقعد معاهم وبتفرج عليهم وعلى سلوكهم وبعد شوية كنت بنام في كبينة جنبهم لحد ما قدرت أفهمهم دلوقتي بربي اتنين ذئب وكلب ذئب وده هجين بين ذئب وكلب»، وعن سلوكها يوضح «عمرو» أنها تأكل لحوم فقط كالغزلان والأرانب والفراخ: «كل حاجة بقى بالجلد والريش والعضم بتاع الفريسة».
كما يوضح أن الذئاب تأكل مرة واحدة باليوم، ويمكن أن تأكل في الوجبة الواحدة 12 كيلو لحوم، وتفضل في حالة شبع لمدة أسبوعين: «ودي عشان طبيعتها البرية بتحتم عليها حاجة زي دي»، ويقول«عمرو» إن الذئاب كائنات ليلية ولا يوجد خوف منها على الإطلاق، ويحاول أن ينشر ثقافة تربية الذئاب من خلال نشر فيديوهات للتعامل معها على صفحته الخاصة بالفيس بوك تحت اسم «The wolves friend صاحب الديابة».
تعليقات الفيسبوك