كيف «تطفشين» عريساً؟
صورة أرشيفية
على طريقة سعاد حسنى فى فيلم «الزواج على الطريقة الحديثة»، الذى جسدت فيه شخصية فتاة سعت بكل الطرق لتطفيش عريس تقدم لها، سارت العديد من الفتيات فى القرن الواحد والعشرين على هذا النهج، واتبعن طرقاً تبدو كوميدية للتخلص من عرسان فرضهم الأهل بدعوى «اللى نعرفه أحسن من اللى منعرفوش».
«كان متقدم لى عريس لاعب كرة ورياضى وأنا ماكنتش موافقة، قعدت معاه شوية كرّهته فى نفسه، قالى فيه بنات بتحب الراجل المدخن معرفش إزاى ده أنا بتخنق من الدخان، قلت له بالعكس أنا بحب التدخين وبحب الراجل اللى بيشرب سجاير، أنا نفسى بعشق التدخين وبشرب شيشة»، قالتها منة الهادى، 27 عاماً، مؤكدة أن كلماتها وقعت كالصاعقة على الشاب الذى توقف عن الحديث: «وشه جاب 100 لون ومن يومها ماشفتوش تانى».
رش بودرة عفريت.. وضع روائح كريهة.. أكل محشى بعد منتصف الليل
سارت هاجر عاطف، 24 عاماً، على نصيحة صديقاتها فى تطفيش عريس تقدم لها عن طريق زواج الصالونات: «كان جايلى عريس وأنا كنت مرتبطة وعايزة أطفشه بس علشان أرضى ماما رحت المقابلة اللى كانت فى مكان على النيل، ماحطتش مكياج خالص وكنت لابسة عادى جداً، وطول القعدة بشرب بيبسى وآكل زلابية ومتكلمتش معاه ولا كلمة، ولا حتى بصيت له، والكل كان مستغربنى جداً وقتها».
أما مى أسامة فلجأت لطريقة مختلفة، صنعت بعض الروائح غير المقبولة بأدوات طبيعية من المنزل، ووضعت منها أثناء وجوده بالمنزل.