صاحبك الحقيقى (أو صاحبتك) هو اللى بيحبك على عيوبك.. هو اللى واخدك زي ما إنت "باكادج" على بعضه..
يعنى لو إنت مجنون وهو عاقل لو ما اتجننش معاك فعلى الأقل مش هيتريق عليك.. لو بتمر بأزمة هيحضنك ويسمعك وإنت بتحكي بنفس ذات الموضوع ويكون زهقان منك ومن اللى خلفوك بس برضه كل مرة يلاقى كلام يخفف به عنك.. صاحبك الحقيقى هو اللى لما تعمل مصيبة تحكي له دون تردد.. دون خوف من محاكمات ومواعظ..
صاحبك الحقيقى هو اللى واخدك بعبلك كدة زى ما إنت .. ورغم كدة لسه بيحبك.