مبادرة «عبدالسلام ومجدى»: تعالوا نجرب «الترجمان» أسبوعين
داخل سور «الترجمان»، وقف «عبدالسلام» و«مجدى» وسط زملائهما من الباعة الجائلين، يحاولان إقناعهم بالبقاء فى الجراج وعدم رجوع بضائعهم إلى أرصفة الشوارع، تحت شعار «شوفوا المكان وبعدين احكموا».
حاول «عبدالسلام» أن يجمع أكبر عدد من الباعة الجائلين المجاورين له بشارع طلعت حرب الذى كان يفترشه منذ 16 عاماً: «لما جيت الجراج ولقيت المكان محترم، نقلت فرشة الملابس اللى كنت بقف عليها وقلت أقف بكرامتى لأن الحكومة احترمتنى، مع إن المكان اللى كنت بقف فيه عزيز عليا بس ميعزش على بلدى»، مضيفاً: «قررت أنا وشريكى مجدى إننا نجمع أصحابنا ييجوا يقفوا معانا، واللى بيعترض جبناه الجراج عشان يشوف بنفسه إن المكان أحسن ما كنا خايفين منه».
لم يتوقع «عبدالسلام» وصديقه أن مبادرتهما تؤثر على قرار باقى زملائهما، فوجئا بأن عدداً كبيراً وافق على المبادرة باختبار الجراج: «اتفقنا مع اللى معترض يفرش فى الجراج فرشته لمدة أسبوعين، لحد ما الحركة تبتدى تمشى والزباين رجليها تيجى»، مشيراً إلى «فكرنا بالمبادرة دى عشان نجيب أعداد كبيرة من الباعة الجائلين، منهم اللى بيختبر المكان ومنها يزيد عددنا فى الجراج والباقى يتحمس وييجى، ونخفف الحمل شوية فى الشوارع ولو وقتها لينا طلبات فى الجراج الحكومة تنفذها عشان إحنا نفذنا قرارها، والزبون فى الآخر لما ما يلاقيش حد فى الشارع لازم هيجيلنا».