الضابط إيهاب بحر: ميرهان قالت لى أنا همسح بكرامتكم الأرض يا .. وهفرجكم إزاي توقفوني

09:26 م | السبت 05 مارس 2016

تنفرد "الوطن" بنشر التحقيقات في قضية الممثلة ميرهان حسين، وضباط الهرم، التي جرت تفاصيلها الثلاثاء الماضي في كمين الرماية، وتنشر "الوطن" أقوال الضابط إيهاب بحر في القضية.

يقول الضابط إيهاب، في التحقيقات، "اللي حصل إن أنا واقف في الكمين، لقيت المتهمة ميرهان حسين محمد بسيوني داخلة الكمين بالعربية بتاعتها، وكانت منورة الأنوار الزينون العالية، فأنا وقّفتها وسألتها عن التراخيص، فراحت إديتني البطاقة بتاعتها، وأنا قلت لها هاتي التراخيص مرة أخرى، وفى تلك الأثناء شميت ريحة الخمرة بتفوح من فمها، فطلبت منها تركن على جنب، وفعلاً إديتني الرخص، ووقعت على الأرض، فأنا وطيت وخدتها، بعد ما هي رمتها على الأرض".

وأضاف: "طلبت منها تركن على جنب، علشان هي كانت بتفوح منها رائحة الخمرة، وهي رفضت وأنا توجهت بالتراخيص نحو زميلي ضابط المباحث مصطفى توفيق لإبلاغه بالأمر، وفي تلك الأثناء قامت بالتحرك بالسيارة خاصتها واصطدمت بي متعمدة، وأوقعتني على الأرض وأحدثت إصابتي بكدمة في الفخذ اليسرى، وبعد كده حاولت تمشي بالعربية بتاعتها، بس النقيب مصطفى توفيق طلع جري علىّ واطمن علىّ وبعدين وقّفها بعدما حط الحاجز الحديدي قدام العربية، فهي نزلت وقعدت تشتم فينا، والنقيب مصطفى قائلة: يا.. يا .. يا.. يا أبو.. وقالت لى أنا همسح بكرامتكم الأرض يا..".

وحول الألفاظ التي قالتها تحديدًا، رد: "هي قالت لي باللفظ كده يا.. يا.. يا.. يا أبو.. وأنا يا.. هوريك أنا مين وحياة.. أمك هوريك، وهخليكوا توطوا على جزمتي وتمسحوها هفرجكم إزاي توقفوني".