والدة الشهيد «محمد»: «عايزة رفاته عشان أزوره.. وباطلب مقابلتك يا ريّس»

كتب: الوطن

11:56 م | الثلاثاء 08 مارس 2016

الشهيد:

محمد طارق

تاريخ الميلاد: ١٩٩٤

مكان الاستشهاد:

كمين الجورة بالشيخ زويد

مش عايزة غير أن حق ابنى يرجع من الخونة اللى قتلوه، ووصيتى لكل زملائه: هاتوا حق أخوكم محمد يا حبايبى، برّدوا قلبى، مفيش حتى جثمان أروح أزوره، محمد كان محبوب من الكل، عمر ما حد اشتكى منه، كان ابنى وصاحبى، ضهرى من بعده انكسر مش هتقوم لى قومة تانى..

يا سيادة الرئيس عبدالفتاح السيسى.. حقّنا القصاص للشهداء بإعدام كافة الإرهابيين، ابنى الشهيد كان مستهدف من الإرهابيين خاصة أنه من قضى على ثلاثة إرهابيين كانوا يستقلون دراجة بخارية وتم تفجيره بواسطة صواريخ تم تصويبها تجاه المدرعة التى كانت تحمل تسعة وخمسين دانة، فتحول لأشلاء ولم يجد الجيش الجثة، أنا عايزة أقابلك يا ريّس. 5 رمضان قبل استشهاده، كانت آخر مرة أشوفه فى حياتى وبعدها بأسابيع الساعة الثامنة صباحاً يوم استشهاده هاتفنى ليطمئن علىَّ وعلى والده وأشقائه لأنى كنت مريضة وقلت له هتيجى إمتى من يوم ٥ رمضان ما شوفتك، فكان رده سآتى قريباً يا أمى، كانت أولى أيام عمليات حق الشهيد، هاتفنى لإبلاغى ببدء عمليات كبرى ضد الإرهابيين، وكان يراودنى إحساس منذ انتقاله لسيناء بأننى لن أراه ثانية.

والدتك: ميرفت السعيد