والدة الشهيد «محمد»: «تقّل هدومك اعذرنى فاكراك لسه فى الجيش»

12:20 ص | الأربعاء 09 مارس 2016

الشهيد:

مجند محمد صبرى عبدالعال

مكان الاستشهاد:

كمين بركان 9 بالعريش

«وحشتنى يا ولدى، أنتظرك صباح كل يوم كأنك ستعود، وأنتظر مكالماتك التليفونية التى طالما عوّدتنى عليها طيلة فترة خدمتك فى الجيش، أطمئن عليك، فى برد الشتاء، وتقول لى مش سقعان يا أمى، أنا متلّج من البرد، وأقول لك طيب تقّل هدومك، وترد عليّ يا أمى أنا لابس الشنطة كلها، اعذرنى يا ابنى لسة فاكرة إنك فى الجيش، وأنت تعانى وأصحابك على الحدود من شدة البرد، أتذكر كم نامت أعيننا وتدفأت أجسادنا فى أسرّتنا، وأنت يا عمرى سهران على حدود بلادك بسلاحك، واقف على نية وعقيدة أن لو داعش دخلت مصر يبقى إحنا مش رجالة، وواقف عشان إخواتك البنات وشرفهم وشرف كل بنت مصرية، وفاكرة وأنت بتقول لى حديث النبى (عينان لا تمسهما النار عين بكت من خشية الله وعين باتت تحرس فى سبيل الله)، حبيبى لا يسعنى إلا أن أدعو الله أن يتقبلك شهيداً إن شاء الله، وألا يمسك شمس ولا برد ولا زمهرير، وأن يمتعك الله بالنظر إلى وجهه الكريم ويزوّجك بالحور العين، وأن تأخذ بيدى إلى الجنة حيث لا موت ولا شىء يفرقنا من جديد».

والدتك: سحر الحبشى