زوجة الشهيد «محمد»: «هنفضل نتباهى بيك طول ما فينا نفس»
زوجة الشهيد «محمد»: «هنفضل نتباهى بيك طول ما فينا نفس»
- الحمد لله
- محمد السيد
- مصلحة الأحوال المدنية
- أرو
- أنا
- الحمد لله
- محمد السيد
- مصلحة الأحوال المدنية
- أرو
- أنا
- الحمد لله
- محمد السيد
- مصلحة الأحوال المدنية
- أرو
- أنا
- الحمد لله
- محمد السيد
- مصلحة الأحوال المدنية
- أرو
- أنا
الشهيد العريف:
محمد محمد عبدالقادر عوض
مكان الاستشهاد:
استُشهد أثناء عودته من مأمورية عمل على يد إرهابيين اعترضوا طريقه
تاريخ الاستشهاد:
12 فبراير 2014
«حبيبى.. الله يرحمك، من يوم ما مُت وأنا حاسة إنى تايهة فى الدنيا مش عارفة هاعمل إيه، سنتين عدوا عليا كأنهم 200 سنة، منهم لله اللى قتلوك غدر، سبتنى لوحدى، كنت سندى وضهرى اللى انكسر، ومش ولادك بس اللى اتيتموا، أنا كمان اتيتمت قبل العيال، وربنا يقدّرنى على تربيتهم ورعايتهم.. كل يوم شايفاك وانت جاى تاخد بإيديا، ولولا اخواتك اللى مهتمين بينا من ساعة ما مُت ماكنتش عرفت أروح ولا آجى، رغم إنى الحمد لله اتعينت فى مصلحة الأحوال المدنية، لكن برضه الهم كبير، وفراقك كسرنى، ربنا يقدّرنى وأكمل حلمنا، وأعمل بوصيتك وأربى ولادنا، فاكر يا محمد لما كنا بنقعد ونحلم سوا إزاى هنخلى بالنا على ولادنا، ونراعيهم ونكبّرهم، علشان يطلعوا (رضا) دكتور، و(ممدوح) مهندس، و(أيمن) ضابط، الحمد لله (رضا) دلوقتى فى أولى إعدادى، و(ممدوح) فى رابعة ابتدائى، إن شاء الله يبقوا شاطرين زى ما كان نفسك تشوفهم، آخر كتب اشترتها لهم لسه شايلينها، وكل ما بيفتكروك بيطلعوها ويحضنوها، كان نفسى تكون معانا وهم بيكبروا، وتشوف شكلهم وملامحهم بتتغير إزاى، هنفضل فاكرينك وهتفضل عايش معانا فى قلوبنا، عمرنا ما هننساك، وهنفضل نتباهى بيك، ونتشرف بتضحيتك طول ما فينا نفس».
سحر محمد السيد
