اعرف كتابك بـ«التليفون».. دور النشر تستخدم دعاية مبتكرة لزيادة المبيعات
اعرف كتابك بالتليفون
الاتصال بالزبائن تليفونياً، هو الطريقة التى اتبعتها إحدى دور النشر فى إطار الدعاية والترويج، فمن خلال الاتصال بالزبائن تعرف الدار أهم المجالات التى يحبها كل قارئ، ثم تُحدّد الكتب المطبوعة فى هذا المجال، وتشرح أهم أفكار تناولتها لتعريف القارئ بها. سالى نجيب، واحدة من العاملين بالدار، أكدت أن التواصل بالتليفون مع القراء إحدى طرق الدعاية: «باتصل بالناس، أسألهم عن وقتهم هل هما فاضيين للكلام معايا، ولو أبدوا موافقتهم للكلام، باعرّفهم بدار النشر اللى أنا باشتغل فيها، وباسألهم عن أهم المجالات اللى بيقروا فيها، علشان أعرّفهم بالكتب اللى تهمهم». بعد معرفة المجال الذى يُفضّله القارئ، تبدأ «سالى» فى ذكر أهم أسماء الكتّاب فى هذا المجال، وأهم الكتب الصادرة، وإذا أبدى المتحدث رغبته فى التعرّف على كتاب معين، تشرح له المحتوى الخاص به. تؤكد «سالى» أن الهدف من هذه الطريقة ليس الدعاية للكتب الصادرة عن الدار فقط، بل تشجيع الناس على القراءة، بعد انخفاض معدلات القراءة بشكل كبير عما كان عليه الأمر سابقاً: «للأسف الناس مش بتقرا زى الأول، والدليل على كده المبيعات القليلة، علشان كده إحنا بنحاول نوصل للناس بكل شكل، ونسهّل لهم الموضوع علشان يرجعوا للقراية تانى».