ميرهان لوالدتها: أسفة إني سبب حزنك.. كل سنة وإنتي نور حياتي
ميرهان لوالدتها: أسفة إني سبب حزنك.. كل سنة وإنتي نور حياتي
نشرت الفنانة ميرهان، عبر صفحتها الرسمية على موقع التواصل الاجتماعي "فيس بوك"، اليوم، صورة تجمعها بوالدتها احتفالا بعيد الأم.
وقالت ميرهان معلقة على الصورة: "أمي، النهاردة أنا عايزة أقولك كلمة واحدة، أسفة إني السبب في حزنك اللي بتخبيه عشان ماكنش حزينة.. أسفة إني اخترت طريق كان السبب إنه يسمح لناس تجرح وتظلم وتتهم وتحكم وأعوذ بالله من حكم النفس على النفس.. أسفة بالنيابة عن كل إنسان، وبعيدها تاني (إنسان)، حكم على رد فعل وقرر إنه فعل وجرح مشاعرك بسببي".
وأضافت "أسفة إنى مش قادرة أحققلك فرحتك يا أمي، ورغم كل ده بتقولي إن أنا فرحتك.. إنتي اللي فرحتي وراحة قلبي ونفسي، إنتي الحب الحقيقي والأمان والحياة، ومن غيرك مافيش حب، مافيش حياة.. ربنا يخليكي ليا لآخر يوم في عمري ويقدرني أسعد قلبك ربع ما بتسعدينا كلنا.. كل سنة وإنتي نور حياتي يا حياتي".
