أديب عن تغيير وزير الداخلية: "أصله زعّل مولانا ومحدش يدوس على طرف أي دقن في البلد"

أرجع الإعلامي عمرو أديب، إقالة وزير الداخلية، اللواء أحمد جمال الدين، واستبداله باللواء محمد إبراهيم، إلى أن الأول أغضب "مولانا" في إشارة إلى الشيخ حازم صلاح أبو إسماعيل. وقال أديب، في برنامجه اليومي "القاهرة اليوم" على "أوربت"، "من النهاردة إيدك من الداخلية والأرض، لأن الراجل اللي مشي، ده زّعل مولانا وضايق الراجل العظيم، محدش يدوس على طرف على أي دقن في البلد". وأشاد أديب بجمال الدين، بقوله "كان راجل محترم بيعمل اللي عليه، وممدش إيده على حد، إنما زعّل ناس، زعّل العزة والكرامة والناس العظيمة اللي بتحكم البلد". وتابع "أي حد في مصر يمشي مفيش كبير، متزعلش مولانا، ومولانا يسب الوزارة بالوزير ومحدش يكلمه، ومولانا أنصاره يروحوا يحاصروا ويحرقوا ويولعوا ومحدش يفتح بقه معاه، وأهان الوزير في إشارة واضحة وقال لو عايز أمشيه همشيه".