محمود سعد: الناس تلتف حول العريفي عشان معندناش زعيم ولا حلم

تساءل الإعلامي محمود سعد عن سبب احتفاء الشعب المصري بالشيخ محمد العريفي وخطبته في مصر، مرجعا ذلك من وجهة نظره إلى عدم "معرفتنا بقيمة بلدنا". وقال سعد في برنامجه "آخر النهار" على فضائية "النهار": "معندناش حد يفكرنا بقيمة بلدنا، فانتظرنا واحد ييجي يفكرنا، بغض النظر عما إذا كان مصريا أم سعوديا". وأضاف "معندناش زعيم نلتف حواليه، مين يروح يخطب في الأزهر ويلتف حواليه الآلاف؟، فيه مشكلة لا حلم قومي واحد، ولا زعيم نحبه بجد، وبالتالي معندناش حد يحسسنا إننا كويسين". ونوّه سعد إلى سبب آخر جعل المصريين يلتفون حول الشيخ العريفي وهو وسائل الإعلام، وضيوفها، وواصل "كلهم بيعيبوا في الشعب وبيتهموه إنه جاهل أو ميفهمش ديمقراطية وأنه أمي، دايما نحبط الناس حتى الثوار لما قاموا أحبطناهم وسخفنا عملهم، عشان كدة مستنيين واحد ييجي من بره يقولنا انتوا بلد عظيمة، هو احنا متعلمناش ولا قراناش القرآن كل ده عرفينه، لكن من كتر ما أحبطوك وحسسوك إنك متسواش تلاتة تعريفة بقت الناس في عرض أي حد يديهم شيء من الحماس". وأكد سعد أن "الخطبة مش هتنفع وهترجع نفس الخيبة والإحباط عند الناس، لازم يواكب الخطبة عمل حقيقي وحلم يلم الناس مينفعش تبقى السياسة ومن في السلطة في ناحية والناس في ناحية تانية".