ثقوب فى قلب «فرحة»: يا «جراحة بفلوس» أو «الموت ببلاش»

08:12 م | السبت 23 أبريل 2016

حياته تحولت إلى ظلام حالك، فابنته التى لم تتجاوز الـ7 أيام تعانى من ثقوب فى القلب وضيق فى بعض الشرايين الأساسية.. حالة المولودة «فرحة» الحرجة التى تحتاج إلى أكثر من جراحة تبلغ تكلفتها 260 ألف جنيه حوّلت حياة الأب «حسنى محمد عبدالناصر» إلى جحيم: «دى العيلة الوحيدة اللى ربنا رزقنا بيها بعد انتظار.. استنيت أنا ومراتى 3 سنين علشان نخلف».

{long_qoute_1}

«(فرحة).. ربنا يتولاها برحمته ويرحمنا»، يقولها الأب وعيناه معلقتان على قلب الصغيرة، فمع كل لحظة صدر الصغيرة يعلو ويهبط مع كل نَفَس، قد تعقبها لحظة أخرى من السكون، فلا يدرى «حسنى» هل نفذ قضاء الله فى صغيرته، أم أنها مجرد استراحة عابرة لقلب مريض منذ ولادتها، حسب وصفه: «حجزوا (فرح) فى الحضانة أول ما تولدت وقعدت 5 أيام وفى الـ6 خرجتها علشان سبوعها وأشوف هاتصرف إزاى؟، لأن القعدة مالهاش فايدة، أنا بنتى عندها 3 ثقوب فى القلب بأحجام مختلفة وضيق فى الشرايين الأساسية». لا ينقطع بكاء «حسنى» على صغيرته بسبب مرضها الذى اكتشفه منذ الولادة، لتقضى الرضيعة «فرح حسنى محمد» أسبوعاً من الألم، لم تغفُ عيناها وأسرتها خلاله، خوفاً من طلوع فجر يوم تغيّب فيه عن الحياة، فيقول الرجل الأرزقى: «مش عارف أفرح ببنتى، أى حركة وعياط بتعمله، غلط عليها، وهى طفلة مش فاهمة حاجة ومش قادرين نسيطر على عياطها، زى ما أنا مش قادر أوفر ليها ثمن عملية واحدة».