الأسبوع العالمى للتطعيمات: كل «شكة» معاها «بالونة»

08:56 م | الأحد 01 مايو 2016

وجوه مبتسمة، بالونات ملونة، حلوى بأنواع مختلفة.. مظاهر احتفال وفرحة شهدتها أمينة محمد مع طفلها بالوحدة الصحية، وشعور بالسعادة انتابها فور أن لمحت الممرضات مبتسمات وهن يوزعن البالونات والحلوى على الأطفال قبل التطعيم: «مصدقتش عينيا أول ما دخلت وشفت المنظر، فرحت جداً لأنى كنت ببقى كارهة نفسى بسبب الاكتئاب اللى بيجيلى مع كل زيارة، من أول شكل الممرضة وهى مكشرة وخوف العيال من الحقنة، والزحمة اللى بتبقى فى الصحة، لكن المرة دى كانت حاجة تانية خالص».

{long_qoute_1}

حاولت «أمينة» معرفة السبب وراء الاحتفال داخل الوحدة الصحية متسائلة: «هو النهارده عيد ميلاد حد؟» تجيب عليها إحدى الممرضات بوحدة صحة البساتين قائلة: «ده احتفال من يوم 24 لـ30 أبريل، بنحتفل فيه بالأسبوع العالمى للتطعيمات مع الأطفال، بعيداً عن الفعاليات اللى بتعملها الوزارة، واحنا اللى جايبين البلالين والحلويات من فلوسنا، عشان نحتفل مع الأطفال بطريقتنا طول الأسبوع»، لا تدرك الممرضة الهدف الرسمى من الاحتفال العالمى، عبرت عن فهمها له من خلال البلالين، لكن للاحتفال أصل، يشرحه د. منير عبدالله، المدير التنفيذى للبرنامج الموسع للتطعيمات بوزارة الصحة «يهدف لحث وتحفيز الآباء والأمهات على تطعيم أبنائهم ومتابعة حالتهم الصحية والالتزام بالمواعيد المحددة للجرعات» يؤكد منير أن مراسم وفعاليات الاحتفال فى مصر ليس لها شكل ثابت، ولكل محافظة أسلوب فى الاحتفال، ومن أشكال الاحتفال استعراض الجديد من التطعيمات.