سناء سيف عن حكم حبسها: هسلم نفسي ومش هعمل معارضة أو استئناف

02:08 م | الأربعاء 04 مايو 2016

علّقت الناشطة السياسيّة سناء سيف، على الحكم الصادر اليوم الأربعاء، عن محكمة جنح السيدة زينب، بحبسها 6 أشهر مع النفاذ في واقعة اتهامها بإهانة القضاء.

وكتبت سيف عبر صفحتها على "فيس بوك": "طلع ضدي حكم غيابي بالحبس 6 شهور مع النفاذ في قضية إهانة موظف عام، أنا في طريقي لقسم السيدة لتسليم نفسي، من إمبارح قررت ماروحش المحكمة، ولو صدر ضدي حكم مش هاعمل معارضة أو استئناف، وهاسلم نفسي للتنفيذ. هاحاول أشرحلكم ليه وصلت لكده".

وبعد أن ذكرت سناء قصة القبض عليها في العام 2014، تابعت: "بعد ما جربت أتعامل معاهم مرة كصاحبة حق ومرة كمتهمة، دلوقتي مطلوب مني تاني ألعب دور المتهمة، ومطلوب من المحامين يستهلكوا طاقتهم في الدفاع عني، أنا المرة دي مش لاعبة، لأني ببساطة مابقاش عندي طاقة أتعامل مع إجراءاتهم، دي مش فتحة صدر، الحبس مش سهل وأنا عارفة، ودخوله تاني أكيد هيبقى أصعب بعد ما رجعت أشوف أخويا وعوضت فترة غيابي وشديت كويس في شغلي، لكن طالما هم مصرين يورطوني وكدة كدة هادفع التمن، أدفعه وأنا شَبَه نفسي".

وناشدت مها، الجميع بألا يتدخلوا قائلة: "المحامين.. زملاء وتلامذة وأصدقاء بابا. أنا آسفة إني المرة دي بطلب منكم ما تقوموش بدوركم؛ الدور اللي باحترمه جدًا، أنا اتربيت في بيت محامي حقوقي وشُفت إزاي بتتعاملوا مع شغلكم بتفاني وجدية، ولأني باحترم دوركم، وباحترم القانون، فضلت على الأقل لمرة إني أعفيكم وأعفي القانون من الإساءة دي".