سكندريون يحتفون بالعربات «الشمسية»: «شكلها حلو.. ورزقها أحلى»

09:02 م | السبت 07 مايو 2016

فى إطار مشروع «سمارت كار» الذى دشّنته محافظة الإسكندرية لتشغيل شباب الخريجين، عن طريق منحهم سيارات تعمل بالطاقة الشمسية، وقف «عبدالستار» بعربته المميزة بجوار الكورنيش ينتظر الزبائن، وعلى وجهه ابتسامة رضا وتفاؤل بجنى الرزق الوفير: «المشروع حلو ومرخص، ودى أهم حاجة».

أحمد عبدالستار، 29 سنة، حاصل على دبلوم صنايع، أشاد بمشروع سيارات الطاقة الشمسية، الذى تم تعميمه فى أحياء الإسكندرية: «أهم حاجة الأمان، وميزة المشروع أن لا فيه إشغال طريق ولا بتوع الحى يكسروا العربية وياخدوها، وكفاية أنه مشروع بيفتح بيوت ناس كتير وبيكسب بدل القعدة على القهاوى».

الفكرة التى بدأها حى شرق الإسكندرية، من خلال طرح سيارات موفرة للطاقة، استنسخها حى الجمرك بسيارات مماثلة تنتشر على كورنيش الإسكندرية فى مختلف المناطق، وعنها يقول «عبدالستار»: «المشروع صغير بس يكسّب فلوس كويسة، إحنا واقفين على الكورنيش فى أهم منطقة، وأكتر مكان حيوى فى المدينة، وهى محطة الرمل، ده غير أن شكل العربية حلو ومنظرها يجذب الزباين بدل العربيات القديمة المكسّرة، وطبعاً اللى واقفين عليها شباب متعلم، والناس بتشترى وهى فرحانة، وبتحفزنا على الشغل».

نفس الحماس بدا على وجه محمد فاروق، صاحب عربة مجاورة: «المشاريع الصغيرة اللى بتعملها الدولة للشباب بتكون مش مكلفة، وبتحقق مكاسب، ده غير أن الواحد مننا بيحس ساعتها أنه مش بياع متجول». وتابع «فاروق»: «حى الجمرك وزّع 7 عربيات على الشباب، بداية من محطة الرمل، وكلنا وافقين بنبيع حاجات مختلفة علشان كل واحد يكسب، اللى بيبيع عصير، وناس بتبيع حمص الشام، والرزق على الله».

اللواء خالد محيى الدين، رئيس حى الجمرك، أوضح أن الحى تعاقد على 7 سيارات تعمل بالطاقة الشمسية بتكلفة 6 آلاف جنيه لكل منها، حيث يقوم المنتفع بدفع 50% منها مقدماً، وتقسيط الباقى على 3 سنوات بمعدل 500 جنيه شهرياً.