شيف «فول وطعمية»

10:14 م | الاثنين 09 مايو 2016

شيف «فول وطعمية»

سنوات كثيرة قضاها فى التنقّل بين الدول، يطور خبرته فى الطبخ التى اكتسبها وعمره 6 أعوام، عادات وتقاليد كثيرة حملها بصحبته إلى مصر، قرر أن يغمر بها مَن حوله، بدأت بلافتة كتب عليها «ممنوع التدخين» فى محله الصغير، مروراً بالنصائح التى حرص على بثّها لزبائنه. مصطفى إبراهيم، تخرّج فى كلية دار العلوم بجامعة القاهرة، حبه للمطبخ جعله يتخلى عن العمل بشهادته، بدأ مسيرته فى محل فول وطعمية، وخلال فترة سفره تعلم جميع أشكال الطهى: «بره الناس بتحترم بعضها، وعندها مبادئ لدرجة أنى مرة اتزحلقت وأنا فى المطبخ، جابوا لى دكتور وفحوصات طبية ده غير إنى أخدت إجازة لحد ما أبقى كويس، لكن عندنا فى مصر اللى بيتعب بيفصلوه من الشغل».

{long_qoute_1}

يؤكد الشاب الثلاثينى أنه حرص على أخذ دورات فى الطبخ قبل السفر، لأن خبرته لم تتخطَ الفول والطعمية. السعودية، الكويت، جنوب أفريقيا، دول قصدها «مصطفى» بعد أن أتم دراسته الجامعية، يتذكّر أحد المواقف الغريبة التى تعرّض لها: «من المواقف اللى عمرى ما هانساها، واحد باكستانى دخل لى المطبخ، وصمم يبوس إيدى، علشان يشكرنى على الأكل». انطباعات كثيرة تغيّرت لدى «مصطفى» جعلته يتغاضى عن أحلامه بالخارج ويعود إلى موطنه: «كنت أول شيف يخترع طريقة شوى السمك والشيش طاووق على الفحم، وبقيت شيف شرقى مشهور بعد ما كنت صبى فى مطعم فول وطعمية». لدى «مصطفى» 3 أبناء ورغم التهكمات التى تعرّض لها من قبَل المقربين إليه، فإنه أصر على استكمال طريقه فى الطبخ: «قالوا لى شغلانة ستات، أنا اتعلمتها عن حب، واقتنعت أن مفيش حاجة اسمها البلد مافيهاش شغل، اللى عاوز يجتهد ويثبت نفسه هيعمل ده، سواء جوه مصر أو بره، بتيجى لى فرص كتير للسفر، لكن قررت أستقر هنا، وفتحت محل فول وطعمية، وأى حاجة اتعلمتها بره، باحاول أوصلها لجيرانى وزباينى، وأقنعت ناس كتيرة أنها ماتشربش سجاير فى أى محل تدخله».