«محمود»: هاتولى مسئول أهمل تنفيذ مشروع.. واتحاسب

11:26 م | الخميس 19 مايو 2016

عمره أكبر من أقرانه فى المعرض، واحد من الاثنين اللذين حصلا على الميدالية الذهبية مع مرتبة الشرف، ليست الجائزة الأولى بالنسبة له، وليست الأخيرة، فابتكاراته محددة فى مجال الطب، الدكتور محمود علم الدين عبدالحافظ، الذى يواصل عمله باستمرار على تقنيات تركيب المفاصل الصناعية، بأقل ألم وأبسط طريقة. نال الميدالية الذهبية عن اختراع لآلة وتقنية نجحت فى تركيب المفصل الصناعى للركبة فى أقل وقت، ودون تعقيدات تشتهر بها العملية الصعبة، وفاز بالميدالية الذهبية من المعرض ومرتبة شرف وميدالية، خاصةً من الجالية المصرية.

{long_qoute_1}

أستاذ ورئيس قسم جراحة العظام بجامعة 6 أكتوبر، واستشارى المفاصل الصناعية، يشعر بدوره بالإحباط رغم النجاح، يرى أن الميدالية مجرد تشجيع: «ممكن ناس تعترض، لكن بالنسبة ليا مش حاجة كبيرة، أنا واخد جوايز عن اختراعى قيمتها أكبر، لأنها من جهات طبية وعلمية بتنظر فى أدق التفاصيل، زى الجمعية العالمية للمفاصل الصناعية، لا تقدم جائزتها إلا لشخص قدم مادة علمية مرموقة، وإضافة غير مسبوقة، وجائزتهم مالية وشهادة، المسألة لم تعد تتعلق بالجوائز». جوائز من سويسرا والولايات المتحدة الأمريكية، وإنجلترا، واليابان، والبرتغال: «عندى خمسة اختراعات ورسالة دكتوراه هى نفسها اختراع لم يتم تسجيله، شركة أمريكية نفذت أحد اختراعاتى، تعتبر أكبر شركة لعمل المفاصل الصناعية بالكمبيوتر»، تقنية تساعد على تركيب المفاصل الصناعية للإنسان والحيوان على حد سواء: «عملت مفصل صناعى للحيوانات، اللى عندها خشونة أو إصابة أو كسور أو عيب خلقى، بحيث إن المفصل ما يتحركش وتلات اختراعات تانيين خاصين بالآلة اللى بتركب المفصل الصناعى، والقالب الإلكترونى المستخدم خلال العملية، الأخير يكسر احتكار الشركات العالمية للقالب الإلكترونى، ويتيح لأى كائن استخدامه، لأن التصنيع بالكامل يتم داخل المستشفى دون الحاجة إلى مصانع أو أى شىء».

يحاول تبسيط الفكرة قائلاً: «عشان نعمل عملية المفصل الصناعى للركبة كمثال بنحتاج 400 قطعة من الآلات داخل غرفة العمليات، الـ400 قطعة من ضمنهم قطعة تعتبر مضرة بالجسم لأنها شبه شنيور بتدخل فى عضمة الفخد عشان تظبط عملية التركيب، وبينتج عن دخول الشنيور بعض الإعوجاج فى العضمة، وآلام شديدة بعد العملية، والمريض بيحتاج نقل دم، القالب الإلكترونى اللى ابتكرته، بيوفر استخدام الـ400 قطعة، ومش بيحتاج شنيور أو أى شىء، المفصل الصناعى بيتصنع من خلال الكمبيوتر، وباستخدام ماكينة ثلاثية الأبعاد نطبعه ويبقى موجود عندى بكل سهولة».

يسعى «عبدالحافظ» لتنفيذ مشروعه على نطاق واسع: «الموضوع محتاج تضافر جهود وزارة الصحة، ووزارة التعليم العالى، والمستشفيات التعليمية وغيرها، لأنه مش مجرد طفرة فى عملية، المسألة أكبر وممكن تجعلنا رواداً فى مسألة السياحة العلاجية، بتكلم فى مشروع طبى واقتصادى ضخم، لو استثمرنا فيه صح، لكن محدش فاضى يسمع، واللى بيسمع ما بيهتمش، ولو وعد ينفذ وأهمل التنفيذ وماعملهوش مابيتجاسبش، أتحدى إن حد يجيبلى مسئول أهمل تنفيذ وعد أو مشروع واتحاسب».

سنوات طويلة قضاها «عبدالحافظ» خارج مصر: «عشت فى إنجلترا وأمريكا وكندا والسعودية، وجيت مصر قبل الثورة، كنت متضايق زى كل الناس من البيروقراطية، والفساد اللى مش مدّى فرصة لحد عنده كفاءة يفيد البلد، وانتظرت فترة الثورة وقابلت 6 وزراء للتعليم العالى والصحة والبحث العلمى، لكن لا حياة لمن تنادى، كلهم فى نظرى حكومات تسيير أعمال، محدش عنده لا وقت، ولا خطة مستقبلية ولا قدرة على الاستفادة بالابتكارات والاختراعات، شعارهم مفيش وقت للتطوير».