حاجة تحيَّر؟
حاجة تحيَّر؟
وبحب بلادى شهدها متكرر
واقف ف الوادى لكن متحير
وبقول حادى بادى ولمين تتخير
مُرسى يا شفيق مش حاجة تحير؟
***
الأول عالم قائد لفريق
مشواره الواضح نوره له طريق
بيقولك نهضة وبلدنا تفوق
وهتروق وهتحلى وهننسى الضيق
***
أنا برضه القائد والرتبة فريق
أستاذ ف إدارة وتملى جرىء
ولو حتى ف حارة هوصل لطريق
واتعهد إنى بالمصرى شفيق
***
انزل قول رأيك واختار بأمان
لا يهمك حزبه مهماً إيه كان
ولا لونه وشكله فكره كإنسان
مشروعه وهدفه يبقى البنيان
***
وبحب بلادى شهدها متكرر
واقف ف الوادى لكن متحير
وبقول حادى بادى ولمين تتخير
مُرسى يا شفيق مش حاجة تحير؟
