فتاتان تعزفان الطبلة على كوبرى استانلى: «عايزين نفرّح الناس»
الفتاتان تعزفان أعلى «كوبرى استانلى»
فوجئ المارة وأهالى الإسكندرية أثناء وجودهم على كوبرى استانلى بفتاتين تعزفان على الطبلة، فى محاولة منهما لإبراز موهبتهما وإسعاد المارة والمصطافين على كورنيش المدينة. «الطبلة مش للرجالة بس»، عنوان الأمسية التى قدمتها الفتاتان على الكوبرى دون أن تقدما نفسيهما على أنهما فرقة غنائية، بل مجرد هاويتين فى العزف على الطبلة.
ارتسمت الفرحة على وجهى الفتاتين، وأظهرتا قدرتيهما على اللعب بأداء أكثر من لحن معروف، وتجاوب معهما كثير من المارة والأسر التى كانت تجلس على مقاعد الكوبرى للتنزه على كورنيش الإسكندرية، والتقطوا معهما الصور التذكارية التى انتشرت على صفحة «George Cabo Photographer».
وأبدى البعض إعجابهم بالفكرة، منهم مجدى عبدالسلام الذى قال: «يا سلام ما أجمل الحرية وما أجمل المواهب، بنتين عندهم موهبة بيعملوا حاجة حلوة حبوا يفرجوا عليها الناس كلها فى الشارع».
فيما قالت ياسمين محمود: «منظر البنتين جميل قوى، ياريت كل واحد عنده موهبة ينزل يفرح الناس ويبرز موهبته علشان نكون زى الدول اللى بتشجع الشباب، فكرة جميلة وجديدة، موهبة حلوة عند البنات، والطبلة مش مقصورة على الراجل بس».
ولكن فى المقابل رفض البعض تصرف الفتاتين وقالت غادة الشيخ: «يعنى إيه بنتين يقفوا يطبلوا قدام الناس فى الشارع؟! مش عيب إن الإنسان يتعلم موهبة، بس الطبلة والرقص مش ممكن يكونوا فى الشارع، خاصة إننا فى شهر رمضان».