بالفيديو| في حب مصر للمحليات تعلن قرعة عمرة المولد النبوي للجمالية

11:35 ص | السبت 02 يوليو 2016

أعلنت قائمة "في حب مصر" برئاسة منسق القائمة للمحليات في الجمالية، المهندس ذاكر عبدالله، فوز 20 مواطنا من أهالي منطقة الجمالية برحلة عمرة "المولد النبوي الشريف"، حيث سحبت القرعة علنية، وأعرب الفائزون بالعمرة عن سعادتهم.

وكان من ضمن الأسماء الفائزة بالعمرة نعمة محمد عبدالعال عبداللطيف، عبدالنبي محمود محمود موسى، وعادل محمد عبدالقادر المجري.

وقال عبدالنبي، "والله مكنتش حاطط في دماغي موضوع العمرة، ولا كنت بفكر، بس كنت بتمنى من ربنا إنها تجيني أي حاجة من عند ربنا، ودعيت الليلة في ليلة القدر إن ربنا يجبر بخاطري، وأنا أصلا بربي أيتام وربنا عالم كده".

وأضاف "يمكن الناس كلها تعرف كدة بنت سيبالي بنتين، وأبوهم سايبهم وأنا اللي بربيهم وبعولهم".

وأضاف عادل محمد عبدالقادر، أن "أي إنسان مسلم فرحان إنه هيطلع مش أكتر من كده، يعني دي فرحة.. دي رحلة عمرة مش أي حاجة، وربنا يجعله في ميزان حسناتهم ويقدرهم على فعل الخير".

من جانبه، قال المهندس ذاكر عبدالله، منسق قائمة "فى حب مصر" للمحليات بالجمالية، "إحنا قلنا نستغل ليلة القدر النهارده، ونفرح أهلينا في الجمالية، ممثلة على كل الشيخات الموجودة وعددهم 16 شيخة، وعملناها عن طريق القرعة العالمية بالصناديق الزجاجية 20 رحلة عمرة، والحفلة كانت مجمعة من كل القيادات الطبقية والسياسية والتنفيذية الموجودة في الدولة، والحمدلله كل القائمين على قائمة (في حب مصر) كانوا حاضرين بما فيهم هيئة المكتب بالكامل كانت موجودة والحمدلله دي عمرة مولد النبي إن شاء الله".

وتابع "ده دور إحنا بنقوم بيه إنه يحصل تكافل اجتماعي بينا وبين كل أهلينا في الدايرة اللي هما غير قادرين، وده دورنا كمجتمع مدني، وإحنا ناشدنا الشباب الفترة دي قلنالهم شاركوا ده حقكم؛ لأن الشباب كان عنده عزوف الفترة اللي فاتت، قلنا ده حقك والفرصة دي مش هتتكرر تاني، والرئيس قالها إن ده عام الشباب، وإحنا بنحاول نوصل كمجتمع مدني وكقائمة حب مصر في الدايرة عندنا إن إحنا نقول للشباب شاركوا ده حقك وده دورك، ومصر ليها حق عليك".