«شكرى» ينبش القمامة بحثاً عن كراتين: «أنا مش زبَّال»

11:47 م | الأحد 03 يوليو 2016

بين مقالب القمامة بشارع «الحمد» بالتجمع الخامس، يقطع «شكرى» الشارع طولاً وعرضاً، يحسبه متابعوه باحثاً عن فتات طعام دون جدوى، وفجأة ترتسم الفرحة على وجهه، فقد عثر على ضالته، يخرج يديه من صندوق القمامة، حاملاً ورقة كارتون فارغة، ينفض عنها ما تعلق بها من أتربة، ثم يترك الصندوق منزوياً إلى الرصيف ليدسها فى بقية مقتنياته بالجوال الأبيض.

يتجول شكرى محمد، يومياً على أرصفة الشارع، يعرف صناديق القمامة التى سيقلبها بحثاً، بعدها تبدأ مهمته: «باجمع الكرتون اللى ينفع، عشان باسترزق منه، وكمان أضيع وقتى، لأنى مليش شغلة ولا مشغلة.. أحسن من قعدة القهوة».

أحلام الشاب بسيطة، لا تتعدى الستر والرضا، وعملاً آخر غير البحث فى مقلب القمامة: «ريحة الزبالة بتبقى صعبة جداً، ومع أيام الحر بتبقى ألعن، ده غير الحشرات اللى بتدخل فى هدومى، لأن بدخل جوّه صندوق الزبالة عشان أعرف أدوّر على الكراتين السليمة وأقدر أبيعها».

«أبو كرتونة».. اللقب الذى اشتهر به «شكرى» وسط أهالى التجمع الخامس، فهو لم يبالِ بالبحث عن الطعام بمقدار حصوله على الكراتين من مقالب القمامة، لأنه يشغل باله دائماً بلقمة العيش: «الناس بقت تدينى كراتين بدل ما يدونى أكل أو فلوس، لأنى ببيع الكراتين بالجملة للتجار وباخد على الكيلو 30 جنيه وبيبقى ده مكسبى كله فى اليوم، لأن بحب آكلها بالحلال ولأنى ماتعلمتش، فمليش شغلانة غير فى صناديق الزبالة».

هيئته وملابسه العادية ربما تتناقض مع طبيعة عمله وهى البحث فى القمامة، وهو ما يدفع المارة إلى النظر إليه بتعجب شديد، لكن لا يبالى بنظراتهم: «أنا مش زبال، كل الحكاية إنى بجرى ورا لقمة العيش، والأهالى بقوا عارفينى، مابقبلش أكل ولا مساعدات من حد، واللى عنده كراتين بيساعدنى بيها».